01
September
2022
Білім күнімен құттықтаймыз!
1 қыркүйек – Білім күніне орай "№24 lyceum" Education Department of Ili districtнде «Білімге ұмтылу, еңбексүйгіштік және отаншылдық» тақырыбында алғашқы қоңырау мерекелік салтанатты жиыны өтті. Салтанатты жиын сап түзеген лицей оқушылары мен ұстаздарының, сондай-ақ жиналған қонақтардың ортасына биылғы бірінші сынып оқушыларын қошеметпен шақырып, қарсы алумен басталды. Мектеп табалдырығын жаңа аттап отырған бірінші сынып оқушыларының сыңғырлата соққан алғашқы қоңырауы мен жыр шумақтары жиын қонақтарын сүйсіндірді. Салтанатты жиыннан кейін әр сыныпта «Терең білім, еңбекқорлық және отаншылдық қасиет» тақырыбында бірыңғай сынып сағаттары өтті. Оқушылардың білімге құштарлығын арттырып, еңбекқорлыққа тәрбиелеу, олардың отанға деген құрмет сезімін ояту мақсатында өткізілген бұл сынып сағаттары шәкірттерге оң әсерін тигізеді деп сенеміз.