"Оқуға құштар мектеп" жобасы аясындағы іс- шара

   Лицей кітапханасы «Оқуға  құштар мектеп» жобасы бойынша өз жұмысын жалғастыруда. В.И.Железниковтың «Чучело»  шығармасын оқыту арқылы бір-бірін сыйлауға, құрметтеуге шақыру, адамдық құндылықтарды  жоғары бағалауға бейімдеу мақсатында 5- сынып оқушыларымен талдау болып өтті. Оқушылар «Чучело» шығармасынан түсінгенін қазақ және орыс тілінде мазмұндап берді. Қойылған сұрақтарға жауап беріп, шығармадан түйген ойларын ортаға салды. Шығармадағы Ленаның ұсқынсыз бейнесі, мұғалім мен атасының немере қызына көңіл бөлмеуі, сыныптастарының Ленаны мазақ етуі шара барысында талданды. Әр аталған оқушыларға мінездеме берілді. 
  Сондай-ақ, қазақтың көрнекті жазушысы Дулат Исабековтың қай уақытта да күн тәртібінен түспейтін адамгершілік мәселесін көтерген шығармаларының бірі «Дермене» повесіне 6- сынып оқушыларымен талдау ұйымдастырылды. Шығармада ғұмырының көбінен азы қалған, артындағы бес тұяғының төртеуінен соғыста, соңғысынан қарадай айырылған Тоқсанбай қарт пен немересі Еркеш және ұнамсыз кейіпкер Омашпен жүздестік, салмақты ой түйдік. 
   Ойталқы негізінде оқушылардың өзіндік көзқарастарын, ұстанымдарын қалыптастыру мақсатында ұйымдастырылған шарада кейіпкерлердің іс-әрекеті сарапталды. Жас оқырмандар оқыды, ой түйді.