Еліміздің бас ұстазы лицейімізде!

Бүгін - ерекше күн! Бүгін Қазақстан Республикасының Білім және ғылым министрі Асхат Қанатұлы Аймағамбетов өзінің жұмыс сапары барысында Алматы облысына келіп, Іле ауданы, Өтеген батыр ауылында орналасқан біздің №24 лицейдің тыныс- тіршілігімен танысып, шәкірттерімізбен жүздесіп, ұстаздармен кездесті. Еліміздің бас ұстазының дәл біздің білім ордамызға келуі біз үшін зор мәртебе, баға жетпес бақ, ұстаздарымыз бен шәкіртеріміз үшін үлкен мотивация болды.
"Білім - адам баласының ортақ қазынасы" демекші Президентіміз Қасым- Жомарт Тоқаевтың Қазақстан халқына Жолдауында "ХХІ ғасырдың ұрпағы терең білімді болғаны жөн", - деп білімге баса назар аударып, бірқатар тапсырмалар жүктеген болатын. Біздің лицейдің мақсаты да осы және ел болашағын білімді ұрпақ етіп тәрбиелеу - біздің парызымыз. 12.03.2021ж. Лицей директоры Г.Ж.Ерубаева