26
апрель
2023
"Жазушының рухани бейнесі" ақын Құл-Керім Елемеспен кездесу
26 сәуір күні лицейде «Оқуға құштар мектеп» жобасы аясында «Жазушының рухани бейнесі» тақырыбында бірнеше жыр мүшәйраларының жүлдегері, Қазақстан Жазушылар одағының мүшесі, ақын Құл-Керім Елемеспен кездесу кеші өткізілді. Кездесуде алдымен ақынның өмірбаянымен таныстырылды. Сөз кезегінде ақын өзінің шығармаларына тоқталды, оқушылар тарапынан қонаққа сұрақтар қойылды. Құран құндылықтарын қарапайым халыққа сөз өрнегімен жеткізіп, қоғамның ізгіленуіне қалам-қаруымен үлес қосып жүрген қаламгердің туындыларын оқушылар мәнерлеп оқумен жеткізді. Ақын ағамыздың өрнегі мол жырларын оқуға насихаттау, олардың өнегелі өмір жолдарын өскелең ұрпаққа өнеге тұтып, жастардың кітап оқуға құлшынысын арттыру, еліне, жеріне деген сүйіспеншіліктерін арттыру мақсатында ұйымдастырылған шара соңы оқушылардың кітап оқуға деген белсенділігін арттыруға үлесін қосқан ұстаздар мен кітапқұмар, оқуға құштар үздік оқырмандарымыз марапатталды.