"Оқуға құштар мектеп" жобасы бойынша "Дермене" повесі

   11 сәуір күні "Ғылым күні" онкүндігінің іс- шара жоспары негізінде лицей кітапханашысы С.О.Абилкасованың ұйымдастыруымен  Д.Исабековтың «Дермене» повесі бойынша талдау жұмыстары арқылы шығарманың көтерген негізгі проблематикасын айқындап, ойталқы негізінде оқушылардың өзіндік көзқарастарын, ұстанымдарын қалыптастыру және кейіпкерлердің іс-әрекетін сараптау арқылы ізгілікке тәрбелеу мақсатында талдау ұйымдастырылды. Қазақтың көрнекті жазушысы Дулат Исабековтың қай уақытта да күн тәртібінен түспейтін адамгершілік мәселесін көтерген «Дермене» хикаятынан үзінді «Ата үміті» деп аталған.  Ғұмырының көбінен азы қалған, артындағы бес тұяғының төртеуінен соғыста, соңғысынан қарадай айырылған Тоқсанбай қарт неден үміттенеді, атаның үміті неде? Біз шығармада үш-ақ кейіпкермен жүздестік, бірақ салмағы батпандай ой түйдік. Әрбір кейіпкерге талдау жасалып, мінездеме берілді. Оқушылар әлсіз кейіпкер Тоқсанбай қария мен немересі Еркештің ұнамсыз кейіпкер Омаштың жасаған қылықтары, іс-әрекеттеріне тоқталды. Жұман Ақжарқын, Бектен Бекжан, Жәнет Нұрасыл өз пікірлерін айтып баршамен бөлісті.